వన్డే వరల్డ్‌కప్‌లో ఫైనల్ మ్యాచ్ కోసం అభిమానులంతా ఆసక్తిగా ఎదురుచూస్తున్నారు. ఫైనల్ మ్యాచ్ కోసం ICC, BCCI కూడా భారీ ఏర్పాట్లు చేశాయి. ఆస్ట్రేలియా- భారత్ జట్ల మధ్య మధ్యాహ్నం అహ్మదాబాద్‌లోని నరేంద్ర మోదీ (మొతేరా) స్టేడియంలో జరగనున్న ఫైనల్ పోరుకు ప్రధాని మోదీ, ఆస్ట్రేలియా ఉప ప్రధాని రిచర్డ్ మార్లెస్ హాజరవుతున్నారు.
మరోవైపు ఈ మ్యాచ్‌కు వన్డే వరల్డ్‌కప్‌ గెలిచిన అన్ని జట్ల కెప్టెన్లను ఆహ్వానించారు. వీరి కోసం ప్రత్యేక బ్లేజర్‌ను బీసీసీఐ తయారు చేయించింది. అయితే ప్రస్తుతం జైలులో ఉన్నందున పాకిస్థాన్ మాజీ ప్రధాని, ఆ దేశ మాజీ కెప్టెన్ ఇమ్రాన్ ఖాన్ మ్యాచ్‌కు హాజరుకావట్లేదు.
మధ్యాహ్నం 1.35కు స్టేడియంపైన సూర్యకిరణ్‌ విమానాలు విన్యాసాలు చేయనున్నాయి. వింగ్‌ కమాండర్‌ సిదేశ్‌ కార్తీక్‌ నేతృత్వంలో తొమ్మిది విమానాలు రకరకాల విన్యాసాలతో కట్టిపడేయనున్నాయి. సాయంత్రం 5.30కు ఇప్పటి వరకు ప్రపంచకప్‌ గెలిచిన కెప్టెన్లందరినీ బీసీసీఐ ఘనంగా సన్మానించనుంది. ప్రముఖ మ్యూజిక్‌ డైరెక్టర్‌ ప్రీతమ్‌ నేతృత్వంలో 500 మందికిపైగా డ్యాన్సర్లు వివిధ సూపర్‌హిట్‌ పాటలకు సందడి చేయనున్నారు. యూకేకు చెందిన ఎల్‌ఎమ్‌ ప్రొడక్షన్స్‌.. స్టేడియంలో లేజర్‌ షో ఏర్పాట్లు చేసింది.
It doesn't get any bigger than this ????????
The ICC Men's Cricket World Cup 2023 Final is filled with stellar performances and an experience of a lifetime ????️????#CWC23 pic.twitter.com/nSoIxDwXek
— BCCI (@BCCI) November 18, 2023
