వన్డే వరల్డ్‌కప్‌లో టాప్-2 జట్లు ఇవాళ కీలక పోరుకు సిద్ధమయ్యాయి. పాయింట్స్ టేబుల్లో తొలి స్థానంలో ఉన్న భారత్, రెండో స్థానంలో ఉన్న దక్షిణాఫ్రికా మధ్యాహ్నం 2 గంటలకు కోల్‌కతాలోని ఈడెన్‌ గార్డెన్స్‌ వేదికగా తలపడబోతున్నాయి. ఇప్పటికే ఇరు జట్లు 7 మ్యాచ్‌లు ఆడాయి. భారత్ అన్నీ మ్యాచ్‌లు గెలిచింది. కానీ దక్షిణాఫ్రికా ఆడిన ఏడు మ్యాచ్‌ల్లో ఒక్క మ్యాచ్‌లోనే ఓడింది.
ఈడెన్‌ పిచ్‌ ఒకప్పుడు బ్యాటింగ్‌కు అనుకూలించేది కానీ.. ప్రస్తుత టోర్నీలో బౌలర్ల హవా కొనసాగుతోంది. ఇక్కడ జరిగిన రెండు వరల్డ్‌కప్‌ మ్యాచ్‌ల్లో బంగ్లాదేశ్‌ వరుసగా 142, 204 పరుగులకే ఆలౌటైంది.
2011లో స్వదేశంలో జరిగిన వన్డే వరల్డ్‌కప్‌ లీగ్‌ దశలో భారత్ కేవలం దక్షిణాఫ్రికా చేతిలో మాత్రమే ఓడి.. మిగిలిన మ్యాచ్‌లన్నీ గెలిచి విశ్వ విజేతగా నిలిచింది.
35వ బర్త్ డే జరుపుకొంటున్న కోహ్లీ ఈడెన్‌ గార్డెన్స్‌‌లో చెలరేగాలని అభిమానులు ఆశిస్తున్నారు.
England's defence of their ODI World Cup title is officially OVER.#ENGvAUS #CWC23 pic.twitter.com/8uqHUbc4H8
— ESPNcricinfo (@ESPNcricinfo) November 4, 2023
