మరికొన్ని గంటల్లో తెలంగాణలో కొత్త ప్రభుత్వం కొలువుదీరనుంది. మధ్యాహ్నం 1.04 గంటలకు ముఖ్యమంత్రిగా రేవంత్ రెడ్డి (Revanth Reddy) ప్రమాణ స్వీకారం చేయనున్నారు. ఆయనతో పాటు 11 మంది ఎమ్మెల్యేలు మంత్రులుగా ప్రమాణం చేయనున్నారు.
ఉమ్మడి జిల్లాల వారీగా చూస్తే..
ఖమ్మం నుంచి మల్లు భట్టి విక్రమార్క ( డిప్యూటీ సీఎం) (Bhatti Vikramarka), మంత్రులుగా పొంగులేటి శ్రీనివాస్‌ రెడ్డి, తుమ్మల నాగేశ్వరరావు, నల్గొండ నుంచి ఉత్తమ్ కుమార్‌ రెడ్డి (Uttam Kumar Reddy), కోమటిరెడ్డి వెంకట్‌రెడ్డి, మెదక్ నుంచి దామోదర్ రాజనర్సింహ, కరీంనగర్ నుంచి శ్రీధర్‌బాబు, పొన్నం ప్రభాకర్‌, వరంగల్ నుంచి సీతక్క, కొండా సురేఖ, మహబూబ్‌నగర్ నుంచి జూపల్లి కృష్ణారావు ప్రమాణం చేయనున్నారు.
