దేశ రాజధాని ఢిల్లీలో కొందరు విద్యార్థులు దారి తప్పారు. కేవలం సెక్స్, రేప్ గురించి చర్చించుకునేందుకు గ్రూప్ క్రియేట్ చేశారు. తొటి విద్యార్థుల ఫొటోలను మార్ఫింగ్ చేసి పైశాచిక ఆనందం పొందారు. గ్యాంగ్ రేప్‌కు ప్లాన్ చేశారు. చివరకు మొత్తం వ్యవహారం బయటపడింది.
ఢిల్లీలోని నాలుగైదు ఫేమస్ స్కూళ్లలో చదువుతున్న విద్యార్థులు ఇన్‌స్టాగ్రామ్‌లో “బాయ్స్ లాకర్ రూం” పేరిట ఓ గ్రూప్‌ను క్రియేట్ చేసుకున్నారు. అందరూ 15 నుంచి 18 ఏళ్లు ఉన్న యువకులు. గ్రూప్‌లో అమ్మాయిల గురించి, తోటి విద్యార్థుల గురించి అసభ్యంగా చర్చించుకున్నారు. అమ్మాయిల ఫొటోలను గ్రూప్‌లో పోస్ట్ చేసి వారిపై అసభ్యంగా కామెంట్లు చేశారు. తమ క్లాస్‌మెట్స్‌ను గ్యాంగ్ రేప్ చేయాలని కూడా ప్లాన్ చేశారు.
“బాయ్స్ లాకర్ రూం” గ్రూప్‌లోకి ఈ మధ్య ఓ అబ్బాయిని చేర్చుకున్నారు. అతడు తనకు తెలిసిన అమ్మాయికి చాటింగ్ స్క్రీన్ షాట్లను పంపాడు. అయితే అందులో తన ఫొటోలు కూడా ఉండటంతో అమ్మాయి కంప్లైంట్ చేసింది. దీంతో స్కూల్ అడ్మినిస్ట్రేషన్ పోలీసులకు ఫిర్యాదు చేసింది. విషయం తెలుసుకున్న “బాయ్స్ లాకర్ రూం” గ్రూప్ మెంబర్స్.. కంప్లైంట్ చేసిన అమ్మాయి, ఆమెకు సహకరించిన ఇతర అమ్మాయిల ఫొటోలు వైరల్ చేస్తామంటూ బెదిరింపులకు దిగారు.
దీంతో పోలీసులు ఒక స్టూడెంట్‌ను అదుపులోకి తీసుకున్నారు. గ్రూప్‌ను డీయాక్టివేట్ చేశారు. ఇన్‌స్టాగ్రామ్‌, ట్విట్టర్, వాట్సాప్‌ల్లో ఈ స్క్రీన్ షాట్లు వైరల్ అయ్యాయి. “బాయ్స్ లాకర్ రూం” హ్యాష్ ట్యాగ్ సోషల్ మీడియాలో ట్రెండింగ్‌గా మారింది.
Feedback & Suggestions: newsbuzonline@gmail.com
